22 oktyabr tarixində Group Motors şirkəti tərəfindən Toyota Abşeron Mərkəzində yeni Toyota Camry modelinin rəsmi təqdimat tədbiri keçirildi. Tədbirdə avtomobil həvəskarları, jurnalistlər və bir çox digər dəvətlilər iştirak ediblər.

Tədbir zaman Group Motors şirkətinin marketinq meneceri Aşur Cəbiyev öz çıxışında qeyd edib ki, “Toyota Camry təkcə Toyota ailəsinin deyil, dünyanın əksər ölkələrinin əfsanəvi sedan modellərindən biridir. İlk dəfə 1982-ci ildə istehsal olunan bu model dünya miqyasında 21 milyondan çox satış rəqəminə çataraq 100-dən çox ölkədə müştərilərin sevimli modelinə çevrilmişdir. Camry-nin mükəmməl keyfiyyət və qiymət balansı onu onilliklər boyu D/E seqmentinin ən çox satılan sedanı etmişdir. 2022-2023-cü illərdə isə o, dünyada ən çox satılan beşinci avtomobil kimi qeydə alınıb.”

Yeni Toyota Camry modeli, klassik dizaynını qorumaqla yanaşı, müasir texnologiyalarla təchiz olunub və daha dinamik, cəsarətli bir xarici görünüşə malikdir. Toyota-nın məşhur “Hammer Head” dizaynı avtomobilin ön və arxa hissəsinə əlavə edilib, bu da modelə daha müasir və xarizmatik bir görünüş bəxş edir. Yenilənmiş fənərlər və aşağı radiator barmaqlıqları avtomobilin sabit və güclü görünüşünü vurğulayır.

Toyota Abşeron Mərkəzində baş tutan təqdimatda avtomobilin əsas yenilikləri və texnoloji xüsusiyyətləri qonaqlara geniş şəkildə izah edildi. Xüsusilə, beşinci nəsil hibrid sistemi ilə təchiz olunmuş Camry, həm performans, həm də yanacaq səmərəliliyi baxımından yenilənmişdir. Yeni hibrid güc sistemi, 10 kVt-lik güc artımı ilə daha dinamik sürətlənmə təmin edir və 0-100 km/saat sürətlənməsi cəmi 7.9 saniyəyə çatır.

Camry-nin interyerində də bir çox təkmilləşdirmələr edilib. Yeni multimedia ekranı və rəqəmsal kombimetr sürücüyə daha intuitiv və müasir bir idarəetmə təcrübəsi bəxş edir. Daxili dizayn daha çox genişlik hissi yaratmaq və yüksək texnoloji təəssürat vermək üçün yenilənmişdir.

Toyota Camry-nin Cənubi Qafqaz bazarında mövqeyi olduqca güclüdür. Cənubi Qafqazda Camry-nin bazar payı 37%, Qazaxıstanda 56%, Ukraynada isə 35%-dir. Bu da modelin regionda müştərilər tərəfindən necə yüksək qiymətləndirildiyini göstərir.

Yeni Toyota Camry modeli ilə Toyota, həm mövcud müştəri bazasını qoruyub saxlayacaq, həm də daha gənc, daha yüksək gəlirli və təhsilli yeni müştəriləri cəlb etməyi hədəfləyir. Təqdimat mərasimində qonaqlara təqdim olunan bu yeniliklər müştəri təcrübəsini daha da təkmilləşdirmək məqsədi daşıyır.

Toyota Abşeron Mərkəzi, Camry-nin təqdimatı ilə yanaşı, yeni nəsil avtomobilin texnologiya və təhlükəsizlik xüsusiyyətlərini də geniş şəkildə nümayiş etdirdi. Tədbir çərçivəsində iştirakçılar həm avtomobilin xarici görünüşü, həm də texniki imkanları ilə yaxından tanış oldular.

Yeni Toyota Camry artıq Toyota Abşeron Mərkəzində satışdadır və avtomobil həvəskarlarını gözləyir.


Əlaqə: *0110
Ünvan: Sumqayıt şossesi, 6-cı km.